Со превземање на функцијата во ЈКП “Водовод” во Кочани, новиот ВД директор Перо Георгиевски веднаш се зафати со реализација на повеќе проекти и активности во функција на подобрување на работата на претпријатието но и секојдневниот живот на жителите на Кочани. Во рамки на теренските работни активности за одржување на водоводната и канализациона мрежа за периодот 10-19 август 2023 год. беа реализирани повеќе активности:
“
Екипите на сектор Водовод и канализација во текот на изминатата седмица спроведоа активности за расчистување и санација на улични дефекти на следите локации : ул. “Григор Прличев”, ул. “Охридска”, ул. “Раде Кратовче”, ул. “Поп Арсов Блаже”, ул. “1 ви Мај”, во с. Прибачево, во с. Оризари и други локации.
Екипите на сектор Водовод и канализација во текот на изминатата седмица исто така спроведоа активности за расчистување на шахти, отпушување на атмосферски канализации и чистење на сливници и фекални шахти на следните места: чистење сифони на повеќе локации во градот, отпушување и чистење на улична фекалана канализација со мала цистерна со притисок и перење на истата во с. Оризари, контрола на фекални шахти на повеќе места во Кочани и рачно чистење на сливници во населените места околу Кочани.
Екипите на КЈП “Водовод” – Кочани посветено ќе продолжат да спроведуваат теренски работни активности за одржување на водоводната и канализационата мрежа во градот и околните места со цел зголемување на квалитетот на услугите за корисниците.
КЈП “Водовод” – Кочани упатува апел до своите корисници за рационално користење на водата во овој период од годината кога имаме зголемени температури, за да се намалат дефеците на водоводната мрежа и да се овозможи функционирање на системот без рестрикции!”
-стои во информацијата упатена до јавноста за работата на КЈП “Водовод” во Кочани во изминатите неколку денови.

СЛИЧНИ ОБЈАВИ
Претстои реконструкција на игралиштата во ООУ „Св. Кирил и Методиј“
Полскиот амбасадор во посета на Општа болница Кочани
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип