БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

„Парк за сите“ во Виница влегува во завршна фаза – од заедничка идеја кон конкретна промена

HTML Image as link Имате потреба од нов веб сајт?
An image from Squarespace
Пренеси го гласот

Преку програмата URBACT Pioneers Accelerator и поддршката од Европската Унија, Општина Виница ги претвора заедничките идеи во конкретна промена.

Во изминатите месеци, претставници на Општина Виница, локалните институции, граѓанскиот сектор, образовните институции и други засегнати страни работеа заедно на развивање на идејата за трансформација на дел од Градскиот парк во поинклузивен, функционален и пријатен јавен простор за различни генерации и групи корисници. Со одржувањето на петтата и последна работилница, се заокружи циклусот на ко-креирање, а Градскиот парк наскоро добива целосно нов, поинклузивен и помодерен лик за сите генерации.

Веќе започнаа градежните работи и во рамки на проектот ќе бидат поставени шест хексагонални клупи околу постојните дрвја, 20 дрвени столпчиња за чекорење, една дрвена греда за баланс, сензорен ѕид, дрвени рампи за качување, пет куќички за птици, две сензорни капсули и хотел за инсекти.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Новите елементи се осмислени да создадат повеќе можности за игра, движење, одмор и социјализација, да придонесат кон поголема инклузивност на просторот, но и да го зајакнат контактот со природата и свеста за биодиверзитетот.

Во втората половина на септември е планирано и поставување на сцена/бина, со што паркот ќе добие дополнителен простор за културни, образовни и други активности на локалната заедница.

Ова не е крај, туку почеток на една убава локална приказна. Заедно градиме безбеден, пристапен и живописен парк за целиот град.

Пилот-акцијата „Парк за сите“ се реализира од Општина Виница во рамки на URBACT Pioneers Accelerator – Urban Nature Cluster, со поддршка на Европската Унија.

#ПаркЗаСите#Виница#URBACT#ИнклузивенПростор#ГрадскиПаркВиница#Заедница

Креирано од:


Пренеси го гласот