Општина Пробиштип во соработка со компанијата „Булмак 2016″, го претставува проектот „Кошарка за секое дете”. Проектот им овозможува на децата од 08 до 14 години бесплатно да тренираат кошарка, да ги развиваат своите спортски вештини и да се подготвуваат за учество во младинските натпреварувања. Уписите се отворени до 30 октомври 2026 година.
Со цел проектот да биде достапен за сите, родителите ќе бидат ослободени од сите трошоци за учество. Со проектот ќе бидат обезбедени топки за кошарка и реквизити за работа, а за натпреварувачите во селекциите и кошаркарска опрема. Предвидено е момчињата и девојчињата да се натпреваруваат во категориите М12 и М14 во системот на Македонската кошаркарска федерација.
Пробиштип располага со две кошаркарски сали со услови за тренинзи и за одржување младински натпревари и првенства. По завршувањето на уписите ќе се формираат групите и ќе се објават термините за тренинзи и натпревари.
Проектот е предвиден да трае четири години или еден олимписки циклус. Покрај учество и пласман во завршниците на турнирите во категориите М12 и М14, целта е да се создадат услови за развој на деца кои во иднина би можеле да станат репрезентативци и професионални кошаркари.
Упатувам благодарност до компанијата “Булмак 2016“ за препознавањето на потребите на децата и младите и за подготвеноста да бидат дел од развојот на спортот, како и за нивната општествена одговорност и вложување во локалната заедница.
Ги повикуваме родителите на заинтересираните деца од 08 до 14 години да ги пријават до 30 октомври 2026 година.
За пријавување и дополнителни информации: Никола Пеншов (070/249-331) и Александар Бранковски (075/333-531)

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година