Прилеп е подготвен да ги пречека учесниците и посетителите на најголемиот фестивал на пиво и скара во нашата држава.
За што поуспешна организација на „Пивофест 2018“, е формирано координативно тело во кое учествуваат претставници на Полициската станица – Прилеп, службата за Итна медицинска помош, Територијалната противпожарна единица, Центарот за управување со кризи, Агенцијата за храна, јавните комунални претпријатија и други институции. Овие институции ќе работат 24 часа , во текот на сите 4 денови, ќе се грижат храната да биде безбедна, а хигиената, редот и мирот на високо ниво.
И годинава посетителите од другите градови со авантуристички дух, ќе можат да кампуваат во Паркот на револуцијата, каде покрај бесплатниот појадок и топлите напитоци, на располагање ќе имаат и туш кабини.
Фестивалот на пивото и скарата „Пивофест 2018“, започнува утре, четврток 12 јули и ќе трае до недела, 15 јули. Освен брендираните пива на „Прилепската Пиварница“ и „Скопската Пиварница“,„Саравеско пиво“ и „Чешко пиво“, за време на фестивалот сите посетители ќе имаат можност да вкусат извонредни специјалитети од прилепските скараџии.
На репертоарот на првиот фестивалски ден се: Бени со бендот „Нон- Стоп“, популарната Дани, Тони Зен и Кирил Џајковски.
Прилеп ве очекува!
Креирано од:
СЛИЧНИ ОБЈАВИ
Напредува процесот за новиот експресен пат Кочани- Делчево согласно предвидената динамика: Презентација на техничкото решение во Делчево
Градоначалникот на Делчево Гоцевски оствари средба со активисти на невладината организација “Жена” од Делчево
Тошковски на промоцијата на Националната стратегија: Значително намален бројот на жртви во сообраќајот, Македонија во конкуренција за светско признание за сообраќајна безбедност на светскиот полициски самит во Дубаи