Со целодневна програма, во саботата, на 16 септември, Доброволното противпожарно друштво – Кочани одбележа две години од формирањето.
Градоначалникот на Општина Кочани Љупчо Папазов, во своето обраќање на прославата го истакна значењето на Доброволното противпожарно друштво, со кое изминативе две години Кочани и регионов добија силна поддршка и заштита. Заблагодарувајќи им се за сите заложби, за времето и трудот што го посветуваат, градоначалникот повика да продолжат да го шират духот на добра волја и солидарност меѓу нашите сограѓани и да слават големи јубилеи.
Во рамките на програмата беа организирани Првите доброволни противпожарни игри на кои настапија екипи составени од доброволни противпожарни друштва од Македонија и гости од Србија и Хрватска, како и Мини олимпијада за најмладите, на која со свои екипи учествуваа сите основни училишта од општините Кочани, Зрновци и Чешиново-Облешево.
Во Градскиот парк беа изложени најновите модели на противпожарна заштитна опрема и опрема за интервенции, а во културно-уметничкиот дел, кој траеше до доцна навечер, учествуваа учениците од ОМУ „Ристо Јуруков“, деца од градинката „Павлина Велјанова“, Енерџи фит клубот, АТМИ „Митко Алексов“ и Јордан Манов Трио.
За работата на Доброволното противпожарно друштво, Општина Кочани обезбеди финансиска и материјална поддршка за возила, интервентна опрема и простор. Во знак на поддршка и придонес кон развојот на друштвото, ДПД – Кочани му додели благодарница на градоначалникот Папазов.
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово