На денешна изјава за медиумите Иван Јорданов од Општинскиот комитет на ВМРО-ДПМНЕ од Штип ја алармираше јавноста како и надлежните институции за сомнеж во врска со постоење на можни криминални дејанија од страна на општинската администрација во Општина Штип поврзани со спроведувањето на јавната набавка за поставување на лизгалиштето за граѓаните на оваа општината во очи на новогодишните и божиќни празници.
Притоа Јорданов ја информираше јавноста за нелогичноста во постапката со која лизгалиштето било поставено ден пред да биде потпишан воопшто договорот за соработка со фирмата изведувач на работите.
Скандал и криминал ќе ја зачинат новогодишната бајка која Општина Штип ја организира втора година по ред!
Новопоставената лизгалница на плоштадот, уште пред да ја отвори, криминалното раководство на СДС, ја обви со матни зделки.
Лизгалницата беше поставена на 20.12.2018 година,за кое може да посведочи секој граѓанин во нашиот град, меѓутоа тендерските понуди беа отворени наредниот ден, на 21.12.2018 година во 09:00 часот.
Како е можно, компанија која се’ уште не е избрана на тендер, да врши работи за Општина Штип? Како е можно компанијата да знае дека е одбрана уште пред да и’ биде одобрена понудата?Како е можно да се вршат услуги без потпишан договор и без добиен налог за работа?Како е можно проценетата вредност на тендерот да е идентична со понудената од компанијата?
-информираше Иван Јорданов, за што во прилог ги дoстави терминските рокови од јавната набавка достапни на информациониот систем на Бирото за јавни набавки.
Потоа упати апел надлежните органи од обвинителството и МВР да го испитаат случајот со што би се разјасниле овие дилеми упатени до јавноста.
Го повикувам јавното обвинителство и МВР да го истражат случајот! Да ги споредат датумите на потпишување на договорот и поставување на лизгалницата на плоштадот!Да проверат кога е издаден налогот за работа, кој го издал и дали тоа е истиот ден кога е поставена лизгалницата!И за крај, да проверат дали ова е зделка од 800.000 денари, во четири очи од која некој многу добро се офајдил!
Овие неранимајковци без срам и почит ги манипулираат граѓаните и тоа, пред очите на целокупната јавност!
Црнила на национално, црнила на локално ниво!
Граѓаните на Штип во ек на новогодишните празници не заслужуваат да бидат жртви на оваа криминална банда во заминување!
Воедно, го повикуваме надлежните институции да превземат итни и неодложни истражни мерки за тоа како се потрошени 800.000 денари, за услуги од времетраење од 15 дена, да се утврди виновникот, а Градоначалникот да превземе одговорност за направената штета!
-заврши на крај Јорданов од ОК на ВМРО-ДПМНЕ Штип.
