Генералниот секретар на ВМРО-ДПМНЕ Игор Јанушев по неговото назначување за Претседател на Републичкиот Изборен Штаб (РИШ) на ВМРО-ДПМНЕ на претстојните предвремени парламентарни избори во јавноста се обрати со свое соопштение кое го пренесуваме во целост:
“Извршниот комитет на ВМРО-ДПМНЕ на чело со Претседателот на партијата – проф. д-р Христијан Мицкоски одлучи да го водам Републичкиот Изборен Штаб. Ова за мене е пред се чест, но и голема обврска која јас ја прифаќам, а ја прифаќам затоа што мотивот е голем, најголем досега. Треба да ја вратиме државата на народот и да ја извадиме од бездната во која секој ден се подлабоко ја ставаат нашата земја.
Имаме луѓе на власт без чест и морал, а во ВМРО уште од Даме и Гоце до денес, честа и името се најсвети. И оваа задача ја прифатив не затоа што ќе е лесно, туку затоа што мораме да победиме и да го поразиме Заев, а само така ќе победи Македонија. Влегуваме во референдум за Македонија и ретко кога како овој 12-ти април е време кога треба да се биде гласен.
Ако те потценија, ако чувствуваш болка поради сменетето име, ако ти направија неправди, ако пробаа да те излажат, ако мислат дека може да те поседуваат, тогаш секој од вас знае што е одговорот. И знам дека ќе ја добиеме оваа битка, сите заедно, рамо до рамо, сложно, давајќи го последниот атом за нашата Македонија. И 12-ти април за власта ќе биде крајот, но за Македонија ќе биде почетокот, почетокот на Обновата за Република Македонија!”
-напиша на фејсбук Јанушев.
Креирано од:
СЛИЧНИ ОБЈАВИ
Мицкоски од ОАЕ: Ги презентиравме можностите за инвестирање во Македонија, работиме за да се најдеме на мапата на светските инвеститори
Предупредување до сите што градат незаконски: Започнува строго контролирање на бесправната градба!
Тошковски од Приштина: Евалуација на функционирањето на One Stop Shop системот, следна фаза е имплементација на граничниот премин Јажинце