Дозволете ми од мое лично име и од име на Советот на Општина Лозово, на сите православни христијани од Република Македонија и дијаспората, да Ви го
честитам големиот христијански празник – Божиќ.
Овој светол и величествен празник со сета своја големина и духовност не потсетува на вредностите на кои не учи христијанството, на Божјите дела и човекољубието кои преставуваат сечовечка универзална придобивка и вредност.
Имајќи го Бог при себе, имаме вера и имаме надеж…
Имајќи го Бог со себе, имаме поткрепа во сите тешки моменти да истраеме и во сите радосни моменти да имаме со кого да ги споделиме и на кого да се заблагодариме. ..
Божиќ е празник на љубовта, на надежта и семејните вредности…
Тоа е празник на радоста и достоинството.
Токму затоа, како што налага верата и како што тоа го правеле нашите предци години и години претходно, да ги отвориме широко нашите порти за светлината која доаѓа на овој прекрасен празник.
Да бидеме покорни верници и да правиме добри дела…
Да си ги сакаме нашите најблиски, нашето семејство, нашите пријатели, нашата Македонија…
Да се почитуваме еден со друг и заедно да работиме за добробит на нашата општина…
Со Господ напред и вечна благодарност за неговата милост, во радост да го прославиме Христовото раѓање.
Ви пожелувам добро здравје, успех во работата и благосостојба…
Нека има мир и љубов во нашите срца!
Нека е честит големиот христијански празник !
ХРИСТОС СЕ РОДИ !
Креирано од:
СЛИЧНИ ОБЈАВИ
Тошковски: „Тигар“ 45 години симбол на врвна подготвеност и храброст на македонската полиција
Финансиска полиција поднесе Кривична пријава против поранеше в.д. директор на ЈП Кпмунална хигиена Скопје
Перински: Започнуваме нов стратешки процес за зајакнување на меѓуопштинската соработка