Градоначалникот на општина Виница Миле Петков во текот на денешниот ден присуствуваше и се обрати на големиот народен собир на иселениците од Виница кај манастирот “Св. Спас” во виничкото село Драгобраште.
“Денес присуствував на 5-та иселеничка средба која традиционално се одржува во дворот на манастирот Св.Спас во с.Драгобраште, организирана од Здружението Камен Мост на Македонците во Италија.
Овој настан е од големо значење за нашата општина бидејќи ја покажува поврзаноста на иселениците со родната земја и со најблиските. Ваквите средби и видувања не сплотуваат, со вакви средби ја негуваме и одржуваме нашата традиција, култура, идентитет.
Печалбарството навистина остава траги во развојот на општината и на државата, но горди сме што Македонската дијаспора од секогаш била гласот кој во светот ја шири вистината за Македонија и се грижи за својот идентитет, за фолклорот, религијата, обичаите..
Токму затоа општина Виница и во иднина ќе се залага и ќе биде покровител на вакви и слични манифестации кои имаат заеднички интерес за доброто на сите граѓани и на сите иселеници.”
-соопшти во јавнотста градоначалникот на општина Виница Миле Петков во врска со оваа традиционална средба.
Креирано од:
СЛИЧНИ ОБЈАВИ
Бојана Скендеровски со концерт во Штип: Пролетта започнува со музика
Верските обреди во Кочани по повод годишнината од трагичниот пожар – со највисоките црковни великодостојници
Најавени бројни гости и делегации – градоначалникот на Кочани апелира во претстојните денови жителите да се воздржат од користење автомобили