Општина Кочани во соработка со Клубот за планинарски спортови „Осоговски орел“ од Кочани, под мотото „Пешачењето е здравје“ реализираше прошетка околу езерото Гратче во која учество зедоа неколку десетици млади луѓе од Кочани.
Членови на КПС „Осоговски орел“, граѓанки и граѓани- рекреативци поминаа патека долга 7 км, почнувајќи од местото Тополник, преку Галабо до Мактеон, па се спуштија кон Водопадот на Голема Река. Попатно правеа паузи уживајќи во сончевото претпладне, во природата и убавините на познатиот кочански предeл.
Во прошетката учествуваше и градоначалникот Љупчо Папазов, кој истакна дека целта на оваа активност иницирана и поддржана од Општина Кочани е да ја поттикнува физичката активност како фактор за добро здравје, соработката со граѓанскиот сектор и едновремено да ги потенцира природните потенцијали на Кочани.
Активноста се реализира согласно Локалниот акциски план за еднакви можности на жените и мажите за 2024 г.
Овој настан е убава можност за унапредување на соработката меѓу младите луѓе и институциите на локално ниво од една страна но и афирмација на локалните знаменитости и потенцијали кои што можат да се искористат за промоција на општината Кочани.
Креирано од:
СЛИЧНИ ОБЈАВИ
По хуманитарната балетска претстава во Кочани: „Ballet Magnificat“ на средба со градоначалникот на Кочани Владко Грозданов
Библиотеката „Искра“ во Кочани го одбележа 23 Април – Светскиот ден на книгата и авторското право
Планинари, граѓани и службени лица на армијата и полицијата ќе маршираат заедно во чест на 150 годишнината од Разловечкото востание