Љубителите на филмот уживаа во несекојдневна глетка во кино на отворен плоштад. Проекцијата на филмот “Исцелител“ дефинитивно беше одличен избор во понудата на репертоарот од Павловденското чествување, поради големата заинтересираност на присутните.
Се следеше во надворешен амбиент , а тишината асоцираше на амбиент од кино сала. Дури ни најмладите гости не ја нарушија концентрацијата кај публиката. Инаку станува збор за филм во режија на Ѓорче Ставрески, кој од својата премиера на 9-ти ноември досега, за само неколку месеци, се прикажуваше на 24 светски филмски фестивали, од кои три беа од А категорија. Филмот освои 9 меѓународни награди, меѓу кои 5 беа за најдобар филм. „Исцелител“ е прв македонски филм добитник на награда на филмскиот фестивал во Солун во 58 годишното постоење на фестивалот.
Тој е добитник и на наградите за најдобар филм во Санта Барбара, САД (Бергамо Филм Митинг), Италија (Филмскиот фестивал во Обањ), Франција и на фестивалот Let’s CEE во Виена. За проекцијата на филмот во Виница се погрижи Домот на културата “Тошо Арсов“.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево