Брегалнички Портал

Вести од Багалничкиот регион.

Историска снимка: Летен Рок фест Куманово 1995 година

Пренеси го гласот

90-тите години од минатиот век (колку далечно звучи ова) беа времиња на бунтови истовремено и на големи падови. Во секаква смисла на зборот: политичка, културна, економска…

Тоа беа времиња во кои музичката сцена во Македонија доживуваше своевиден пресврт дефиниран врз основа на западните музички влијанија кои наголемо влегуваа во Македонија по раскинувањето со оковите од поранешниот социјалистички режим.

Тоа беа времиња на подем на Рок фестот во почетокот на 90-тите, фестивал низ кој што продефилираа најзначајните рок бендови во тоа време и го дефинираа развојот на рок културата воопшто во периодот кој што следуваше.

Како илустрација на еден дел од богатата рок понуда која што беше произлезена од музичкиот наратив дефиниран во првата половина на 90-тите години на јутјуб се појави историски значајна снимка од некогашниот Летен Рок Фест Куманово кој се одржа 24-25 јуни во 1995 година на плоштадот во Куманово.

Ова филмувано музичко парче историја сведочи за љубовта и посветеноста на дел од тогашната музичка сцена во Македонија на овој автентичен музички израз кој што го дефинирал во голема мера естетскиот живот на младите во тоа време. Исто така овој скапоцен музички материјал е сведоштво за односот на институциите и надлежните политички фактори кон потребата за културно и забавно воздигнување од виорот на безумието кој што го беше зафатил Балканот во тоа време.

На видеото настапуваат:

1. Brainhole – Fear, Kick By Kick

2. Earl Gray – Today I, Tonight

3. Sors – Enough, Danny

4. Nikea – Почеток И Крај, 700 Против Еден

5. The Pover Of Positive Thinking – Find Your Identity, Love Of My Life

6. Kentaur – Крај, Камења

7. Green Grass Dreams – Secrets, Two Meters Underground

8. Corpus – Skater 9. Т.Б. Трачери – Готов Си, Генерали

10. Соломонов Печат – Сам, Лола

11. The Hip – Misty Morning, Life In Death

(недостасуваат првите три изведби на примерокот од кој што е дигитализиран овој материјал и тоа: Corpus – Alles Fur Das, The Daltons – Биди Досаден и Балкан Експрес – Ајде Да Летаме)

Куманово: 23-24 Јуни 1995 Градски Плоштад

Издавач: Радио – Телевизија Куманово

Главен уредник: Димитар Масевски

Организација: Славе Трајковски, Љубиша Петрушевски

Идејно решение: Марјан Јаневски, Стевица Илиевски

ТВ режија: Сашо Гаревски

Спонзори: Миткомерц, КИБ, ФЗЦ “11 Октомври”, Хотел “Лав”, АМД “Киро Бурназ”, Житомел, А.Д. “Козјак”, Здружение на Возачи, Круна Трејд.

Издавањето на касетата го помогнаа и Агрокуманово и Институт за Отворено Општество – Скопје.

Дигитализирано од VHS касета, Скопје, Јуни 2022.

Благодарност до Крунислав Стојковски – Круно.

Со два збора: Непроценливо богатство.

Погледнете:

Креирано од:


Пренеси го гласот