БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Кои се омилените брендови на македонските потрошувачи? Почна јавното гласање за Superbrands Macedonia 2026/2027

Гласањето започна вчера и ќе трае до 30 октомври, а потрошувачите ќе можат да ги оценат брендовите во 115 категории
HTML Image as link Имате потреба од нов веб сајт?
An image from Squarespace
Пренеси го гласот

Секојдневно избираме производи и услуги на кои им веруваме, се враќаме на брендовите со кои имаме добро искуство и ги препорачуваме оние што ги исполнуваат нашите очекувања. Токму овие искуства и перцепции се важен дел од приказната за секој успешен бренд, а од вчера, 18 октомври, потрошувачите имаат можност и директно да го искажат своето мислење во рамките на новото издание на Superbrands Macedonia 2026/2027.

Јавното гласање ќе трае до 30 октомври и ќе опфати 115 различни категории. Учесниците ќе можат да ги оценат брендовите со оценки од 1 до 10, според сопственото искуство и перцепција.

За учество е потребна регистрација со лична е-мејл адреса, а гласањето е достапно на следниот линк: https://superbrands.mk/glasanje/

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

По подолга пауза, Superbrands повторно се реализира во Македонија, отворајќи нов циклус на препознавање на брендовите што се издвојуваат на домашниот пазар. Изборот се темели на комбинација од мислењата на потрошувачите и стручна процена од професионалци од областа на маркетингот, брендингот, рекламирањето, дизајнот, односите со јавноста и бизнисот.

Целта е да се добие поширока слика за брендовите што успеваат да изградат препознатливо име, да ја задржат довербата на потрошувачите и да создаваат вредност во своите категории. Воедно, јавното гласање е можност граѓаните да бидат активен дел од процесот и да придонесат со сопственото мислење за брендовите присутни на македонскиот пазар. Superbrands е меѓународна програма за препознавање и промовирање на брендовите што се издвојуваат по своите квалитети и позиција на пазарот. Новото издание на Superbrands Macedonia 2026/2027 ќе опфати брендови од различни индустрии и ќе претставува пресек на домашниот бренд-пазар и на односот што компаниите го градат со своите потрошувачи.

Креирано од:


Пренеси го гласот