Од оглед на моето искуство за претходно одржаните избори, и во врска со овие избори кои сега се одржаа на 15 октомври можам да кажам дека ова се едни од најнерегуларните локални избори во Македонија, изјави македонскиот правник и политичар Михајло Маневски во „Отвореното студио“ на ТВ Нова.
Тој додаде дека ова го говори од повеќе аспекти.
-Аспекти на големо менаџирање на целиот изборен процес и токму заради таа потреба да се менаџира целиот изборен процес. Локалните избори не се одржаа кога требаше, односно, во месец мај 2017 година, но тогаш се почувствуваа неподготвени да го спремат сето ова што го видовме во сега во октомври и затоа ги одложија овие неколку месеци. За овие месеци се направија низа нерегуларности, низа потези коишто имаат најдиректно влијание на изборниот процес, посочи Маневски.
Извор: Курир
