Премиерот на Македонија Христијан Мицкоски заедно со свој тим на министри од областа на безбедноста и надворешните односи веќе втор ден е во интензивна агенда на Минхенската безбедносна конференција каде што се афирмираат актуелните светски и европски трендови и политики на полето на безбедноста.
Попладнево Премиерот Мицкоски имаше своја панел дискусија пред поширок аудиториум каде што ги афирмираше Македонските национални интереси на меѓународен план на најсоодветен начин рамо до рамо со високи безбедносни авторитети од цела Европа и САД.
“На Минхенската безбедносна конференција зборував за предизвиците со кои се соочува НАТО, за двојните стандарди во политиката и за енергетските можности на Македонија. Нашата држава го промени своето име за да стане членка на НАТО, а сега повторно се соочуваме со барања за нови отстапки за да ги почнеме преговорите со ЕУ. Ова ли се европските вредности?
Ги слушнав гласините за мешање во внатрешните работи, но кога го менувавме знамето, валутата и уставното име, зошто тогаш никој не реагираше? Денес сме сведоци на „балканизација на Европа“, наместо „европеизација на Балканот“. Ако сите остро осудуваат негирање на украинскиот идентитет, зошто молчат кога се негира македонскиот јазик и идентитет?
Во однос на енергетиката, Македонија има стратешка улога преку Коридорите 8 и 10, кои се клучни за економијата и НАТО. Со правилен развој, можеме да ја претвориме нашата географска положба во огромна предност. Но, иднината на Македонија во ЕУ мора да биде праведна и извесна, без нови понижувања!”
-напиша Премиерот Мицкоски во врска со ова негово обраќање пред кремот на евро-атланската безбедносна политика.
Креирано од:
СЛИЧНИ ОБЈАВИ
Пронајден хероин во дом на жител од Свети Николе
Кривична пријава за 4 жители на Крива Паланка
150 студентки, отворени предавања и силна порака од dm по повод Светскиот ден на менструалната хигиена