Заменик министерот Лазовски, на свеченото отворање на фестивалот, во преполната сала во центарот за култура „Марко Цепенков“ во Прилеп, им посака добредојде на присутните „Почитувани 53 –от Македонски театарски фестивал го прогласувам за отворен. Уживајте!“
Збор зеде и Градоначалникот на Прилеп кој изјави: „Вечерва Прилеп ги отвора вратите на храмот на Талија. Една недела градот ќе живее со театарската уметност, со 53-тото издание на Македонскиот театарски фестивал „Војдан Чернодрински“. Љубителите на театарот со изострените критериуми низ годините, ќе анализираат, но пред сè ќе ја вдишуваат естетиката на говорот, на актерската игра, низ визурата на врвните режисери“.
„Да му посакаме на овој фестивал кој трае преку половина век, да трае уште векови и да ги радува идните генерации што доаѓаат“, порача и уметничката директорка Катарина Коцевска.
Годинешни лауреати, на наградите за животно дело се: актерот Петре Арсовски и композиторот Љупчо Константинов.
Распродадените карти за 53-то издание на „Војдан Чернодрински“, неколку дена пред почетокот на фестивалот се само потврда дека интересот на љубителите на театарската уметност и почитувачите на фестивалот е огромен.
Креирано од:
СЛИЧНИ ОБЈАВИ
Премиерот Мицкоски на почеток за изградба на нoва фабрика која планира 600 нови вработувања во Кичево
Тошковски: Жените имаат моќна улога во создавањето на позитивни промени, над 45% од менаџерските функции во МВР се жени
Николоски: На ДУИ им одговара прашањето со Уставниот суд да трае четири години, бидејки им пропадна зелената агенда