Во атарот на селото Нов Истевник утре во сабота на 14 декември со почеток во 12.00 часот ќе се реализира голема акција за пошумување на опожарените површини од катастрофалниот пожар кој што го зафати овој предел во 2021 година.
Станува збор за организирана акција од страна на членовите и активистите на Општинскиот Комитет на ВМРО-ДПМНЕ од Делчево предводени од Претседателот Иван Гоцевски.
Според најавите на организаторот на опустошените површини ќе бидат засадени над 5000 нови садници од страна на поголем број граѓани кои се приклучуваат на оваа иницијатива.
Сите граѓани на Делчево кои што сакаат да земат учество во оваа акција ќе можат да се придружат пред платото на Спомен Домот АСНОМ Во Делчево во утре 11.30 часот од каде со организиран превоз ќе се замине на локацијата за пошумување.
“Под мотото “Да ги вратиме шумите на ИСТОКОТ” имаме за цел да засадиме над 5000 дрвца со кои сакаме да ја вратиме убавината на нашите планини.
Ги повикуваме сите граѓани од Делчево и околните општини кои се во можност да ни се приклучат во оваа акција и на тој начин да покажеме како се сака родниот крај.
Огромна е честа да Ве поканиме заедно со Премиерот на Република Македонија и Претседател на ВМРО-ДПМНЕ, проф.д-р Христијан Мицкоски, времето кое ни е дадено да го искористиме во создавање на нашата иднина!”
-информираат од ОК на ВМРО-ДПМНЕ Делчево.
Креирано од:
СЛИЧНИ ОБЈАВИ
31 годишен жител на Кочани се заканувал на својот сосед и неговото семејство
Во Кочани: Го пуштил своето куче на улица кое нападнало две женски лица
Ученици од Кајсери Турција, во рамки на Еразмус + програмата во посета на Пробиштип