На денешен ден (03.03.1878 година) на Сан Стефанската мировна конференција е промовирана идејата за голема бугарска држава- најголема на Балканскиот полуостров- т.н. Санстефанска Бугарија.
Идејата за формирање на големо-бугарска држава на Балканот која што во себе покрај денешната територија на Бугарија вклучувала територии доминантно населени со Македонско население била во најголема мера поддржувана од Руското царство чија што доминација на овој важен геостратешки простор требало да се инструментализира преку оваа држава наспроти деградацијата на Отоманската империја.
Ваквата идеја никогаш не се реализирала и не заживеала помеѓу населението кое што било населено на овој простор, но истата претставува основа на експанзионистичките идеи на бугарскиот национализам со децении потоа.
