Македонци од дијаспората го држат жарчето за опстанок на името Македонија да не згасне.
После сите премрежја поврзани со промената на Уставот на Република Македонија на противзаконски и насилнички начин од страна на владеачкото мнозинство на СДСМ, ДУИ и нивните сателит партии, со помош на 8 одметнати пратеници на ВМРО-ДПМНЕ во 2018 и 2019 година, Македонци од Канада, Австралија, Европа и САД обединети во Координативно тело на Македонците во Светот, се уште ја одржуваат борбата против промената на името на Република Македонија.
Координативно Тело на Македонците во Европа и светот од Женева со поддршка на Светски Македонски Конгрес од Обединето Кралство; Светски Македонски Конгрес од Канада; Совет на Македонските Општини од Австралија; Македонска Радио Програма ЗЗЗ од Мелбурн; Обединети Македонци од Канада; Македонска Заедница Обединето Кралство; Здружение Цар Самоил од Белгија; Македонско-финско здружение од Финска; МКД Пијанец, Швајцарија; МД Македонија Ешалан, Швајцарија; МК Пирок, Швајцарија; Асоцијација Француско македонска средба -Рефрама, Швајцарија, во јавноста објавија своја петиција против промената на името на Република Македонија и поништување на Преспанскиот договор кој што беше причина за оваа противуставна и незаконска промена на името на државата,
Во петицијата се наведени причинит за ваквите барања.
“Преспанскиот договор од 2018 година е коренот на обезличување на Македонците. Овој договор означува губење на нашето име, идентитет, историја и нација. Со овој договор, нашето вековно име ‘Македонија’ е предадено на Грција и заменето со ново име – ‘Северна’.
Со него се прекршува меѓународното јавно право а посебно универзално признати човекови права.
1. Виенската конвенција за договорното право од 1969 година во членот 53 и членот 64 забранува кршење на императивните правни норми (jus cogens), вклучувајќи и правото на националниот идентитет и суверено право на самостоен избор и самоопредувањето на националниот идентитет, вклучувајќи го и името на овој идентитет без кој истиот не може да се дефинира. Националното име е идентитетот на нацијата.
2. Националниот идентитет, нераскинливо определен со именскиот содржател како основната одредница на правниот и националниот идентитет, претставува основна правна категорија заштитетена со принципот на културниот суверенитет, како фундаменталното начело содржано во повеќе документи на УНЕСКО и ООН. Секоја модификација на националниот и државно-правниот идентитет претставува етноциден обид за анихилација или поништување на националниот идентитет, вклучуваќи го и правото на овој идентитет, како основно човеково колективно право.
3. Додавката „Северна„ е идентификационен модификатор и недозволено менување на суверен национален идентитет. Исто така, ја погазува волјата на македонскиот народ изразена преку референдумот од 2018 година,”
-стои во текстот на петицијата објавена преку пратформата change.org.
Понатаму Македонците од повеќе организации во светот упатуваат свое барања и до Премиерот на Владата на Република Македонија:
- Да отпочне правно-политички процес за раскинување на овој понижувачки договор со Грција и постапки за возвраќање на уставното име Македонија за внатрешна и надворешна употреба при Обединетите Нации;
- Искористувајќи ја позитивната клима во геостратешките актуелни промени , да поведе судски процес за сите инволвирани во потпишувањето на договорот и барање нивна лична одговорност”
-се вели во барањата упатени до Премиерот на Македонската влада.
“И ние Македонците, имаме право на идентитет и љубов кон нашето име и нашата нација. И ние, Македонците, имаме право на живот.
Раскинувањето на Преспанскиот договор е борба не само за нашето име, туку и за нашето идентитетско и културно опстојување.
Поддржете ја нашата борба против Преспанскиот договор ако верувате во правдата и правото на секој човек да живее со своја историја, култура и национален идентитет.
Потпишете и споделете ја петицијата!”
-повикуваат Македонците од дијаспората обединети во споменатите организации ширум светот.
Креирано од:
СЛИЧНИ ОБЈАВИ
Најава за одржување на досега најголемата конференција на Македонските организации во Швајцарија
Македонскиот Национален Совет организира семакедонска средба на сите Македонски друштва, асоцијации и црковни општини во Швајцарија
САД ќе останат во НАТО, но мора да бидат „посилни“, им порача Марко Рубио на своите 31 колеги