Во врска со големиот број на сообраќајни проблеми кои што стојат неразрешени во Кочани што предизвикуваат нервоза и проблеми во секојдневниот живот на граѓаните денеска своја прес конференција имаше Претседателот на Општинскиот комитет на ВМРО-ДПМНE од Кочани.
Во продолжение интегрално ја пренесуваме неговата изјава за јавноста:
“НИСКИТЕ КАПАЦИТЕТИ НА ВЛАСТА ГИ НОСАТ НЕРЕШЕНИТЕ СООБРАЌАЈНИ ПРОБЛЕМИ ВО ЌОРСОКАК
Николчо Илијев и СДСМ како клучен приоритет на својот мандат го наведоа решавањето на сообраќајните проблеми во градот, меѓу приоритетите беше и итната изградбата на кружен тек на дуплиот мост кај судот.
Во 3-тата година од мандатот Илијев се одлучува да го отфрли ова сообраќајно решение за кое претходно и самиот се залагал и за кое наследил постоечка изготвена проектна документација, па сега, бара целосно ново решение и бара да се проектираат 2 нови кружни текови на спојот на улиците „Димитар Влахов“ и „Стево Теодосиевски“ и веднаш понатаму за „Димитар Влахов“ и „Глигор Апостолов – Гочо“.
Кружниот тек служи за регулирање на сообраќајот и зголемување на безбедноста, но негативната последица од кружниот тек е забавувањето на сообраќајот е зголемената емисија на штетни гасови од возилата кои дополнително го загадуват воздухот на локацијата на кружниот тек. Загадување од кружниот тек на дуплиот мост би било “амортизирано“ од струењето на воздухот над реката, но изведба на два кружни текови во срцето на “Стришани“, каде нема струење како над реката и каде што штетните гасови ќе остануваат во средината се еколошка бомба за градот, издувните гасови со сигурност ќе го задушат овој дел од градот!
Прашуваме на каква анализа се темели барањето за проектирање на вакво сообраќајно решение на тој простор?
Илијев и СДС во 2017-та на прес конференции обвинуваа за ниските капацитети на тогашната локалната затоа што не била отпочната изградбата на кружниот тек на дуплиот мост. Прашуваме:За чиви ниски капацитети станува збор сега?
Сепак станува јасно дека граѓаните до крајот на мандатот на Николчо Илијев нема да видат никакво решавање на сообраќајните проблеми во градот. “
Креирано од:
СЛИЧНИ ОБЈАВИ
Сообраќајна несреќа со тешки телесни повреди денеска во Штип
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година