БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Општина Берово се приклучи кон одбележувањето на 150 годишнината од Разловечкото востание

HTML Image as link Имате потреба од нов веб сајт?
An image from Squarespace
Пренеси го гласот

Со одавање почит пред споменикот на Димитер Поп Георгиев Беровски на плоштадот во Берово, денеска официјални лица на локалната власт во општина Берово се приклучија кон одбележувањето на 150 годишнината од кревањето на Разловечкото востание.

Градоначалникот на општина Берово Петар Ружински со припадници на администрацијата и локални општественици положија букети со свежо цвеќе и се поклонија пред лицето и делото на воениот стратег, водач и организатор на Разловечкото востание Димитар Поп Георгиев Беровски.

“По повод одбележувањето на 150 години од Разловечкото востание, денеска, со достоинство и длабока почит, им оддадовме чест на хероите, кои ја започнаа борбата за слобода.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Пред споменикот на Димитар Беровски во Берово, положивме цвеќиња, заедно со делегации, институции и граѓани, со што изразивме благодарност и почит, кон сите борци за слободата на Македонија.

Разловечкото востание, останува траен симбол на храброста, пожртвуваноста и непокорот на македонскиот народ.

Споменот за неговите учесници, продолжува да живее и денес, како потсетник за силата на народот, кој се борел за својата татковина.

Во рамки на одбележувањето, се одржа и историски час, преку кој, имавме можност да се потсетиме на значењето на Разловечкото востание и неговото место во македонската историја.

Со ваквите настани, ја чуваме историската вистина и ја пренесуваме љубовта кон татковината, на младите генерации.

Разловечкото востание било првиот силен пламен, што ја осветлил македонската револуционерна борба — доказ дека Македонија има свои синови, подготвени да се жртвуваат за неа.

Денеска, 150 години подоцна, не смееме да заборавиме дека слободата што ја живееме, е платена со крвта и жртвата на нашите херои.

Наша должност е вечно да ги чуваме нивните имиња, делото и идеалите за слободна и достоинствена Македонија.”

-напиша на социјалните мрежи во врска со овој настан Градоначалникот на Берово Петар Ружински.

Креирано од:


Пренеси го гласот