Министерот за култура во Македонската влада Зоран Љутков денеска потпиша значаен меморандум за соработка со Германскиот археолошки институт за заеднички археолошки истражувања, размена на наулни и искуствени практики и примена на современи медотологии во археологијата во Македонија.
“Денес, на археолошкиот локалитет Скупи, заедно со д-р Лукас Вертер од Римско-германската комисија го потпишавме Меморандумот за соработка со Германскиот археолошки институт, престижна меѓународна научна институција со долгогодишна традиција којa е под надлежност на Федералното министерство за надворешни работи на Германија.
Ова партнерство отвора нови перспективи за нашите музеи и научни установи, кои ќе имаат можност за заеднички истражувања, размена на искуства и примена на современи методологии.
Археологијата е нашето живо наследство- мост меѓу минатото, сегашноста и иднината. Со оваа соработка не само што го унапредуваме научното истражување, туку и го зајакнуваме културниот туризам, претворајќи ги археолошките локалитети во вистински амбасадори на нашата историја пред светот.
Особено ми е драго што денес беше потпишан и договорот помеѓу Музејот на град Скопје и Римско-германската комисија, прв конкретен чекор кон реализација на оваа долгорочна соработка.
Убеден сум дека ова е почеток на ново поглавје со значајни резултати и уште поголема меѓународна афирмација на нашето културно наследство.”
-напиша на социјалните мрежи во врска со оваа значајна соработка Министерот Љутков.

СЛИЧНИ ОБЈАВИ
Делегација на МВР учествуваше на 15. конференција на ИНТЕРПА во Доха, Катар
Министерот Клековски ги прими новоименуваните директори на три универзитетски клиники
По измените во проектната документација – продолжуваат градежните активности на Домот за стари лица во Кочани