Во наредните шест месеци петнаесет невработени лица на возраст од 27 до 64 години ќе бидат ангажирани во Програмата за општинско корисна работа, којашто се спроведува преку УНДП и Министерството за труд и социјална политика.
– Шестмина ќе работат со деца од претшколска возраст од кои четири негователки во Детската градинка, а две во новиот воспитно-едукативен центар во Тркање. Шест лица ќе помагаат на стари и на лица со хендикеп. Две лица ќе работат во Центарот за донации на Здружението „Благородна мисија“, а едно лице ќе биде ангажирано за помош во народната кујна – информираше Аника Илијевска Ѓорѓиева од Општина Кочани.
За овој проект се одобрени 558 илјади денари, а лицата ќе работат по шест часа дневно за 6 200 денари.
Градоначалникот Ратко Димитровски истакна дека е задоволен што оваа година е најголем бројот на ангажираните, затоа што праксата покажала дека по завршувањето на проектот, лицата наоѓаат постојана работа.
Програмата за општинско корисна работа во Кочани успешно се реализира по четврти пат.
Креирано од:
СЛИЧНИ ОБЈАВИ
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист
Гордоста на Брегалничкиот регион- Ансамблот “Македонија” во Делчево ја покажа најсилната страна на Македонскиот идентитет
Вашето дете често се буди навечер? Дознајте што можете да направите на бесплатната онлајн обука на dm и „Матрона“!