Во теренска посета на Штип и Карбинци денеска е Претседателот на Владата Христијан Мицкоски каде што детално се информира текот на реализацијата на едни од најважните проекти кои што граѓаните на овие општини ги добиваат со директна поддршка од страна на Владата.
“Денеска ја посетив Општина Штип, каде извршив увид во неколку значајни инфраструктурни проекти.
Изградбата на градската магистрална улица (прва фаза), на трасата од населба Железничка до месноста Рибник, е проект вреден 141.000.000 денари. Од нив, 120.000.000 денари се обезбедени од Владата, а 21.000.000 денари од Општина Штип. Работите се во втората фаза од изведбата и се очекува завршување до септември.
Булеварот Партизанска се реконструира со средства од буџетот на Општина Штип во износ од 130.000.000 денари.
Потоа ја посетив и Општина Карбинци, каде извршив увид во градежни активности за асфалтирање на сервисна улица 5 во село Таринци. Проектот се реализира со 9.2 милиони денари од унгарски кредит, а остатокот е кофинансирање од самата општина.
Владата останува посветена на рамномерен развој и подобрување на квалитетот на живот на граѓаните низ сите региони.”
-напиша на социјалните мрежи Премиерот Мицкоски од теренската посета на Штип.
Целата изјава на градоначалникот на општина Штип Иван Јорданов, градоначалникот на Карбинци Виктор Паунов, Министерот за локална самоуправа Златко Перински, Министерот за транспорт Александар Николоски и премиерот Мицкоски ја пренесуваме во видеото во продолжение:

СЛИЧНИ ОБЈАВИ
Зошто еден студент треба да носи потврда од една институција во друга, кога државата веќе го има податокот? Што значи да се служи на граѓаните во 21-виот век?
Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар
Клековски: Преживувањето на предвреме родените деца е решено подобро од европскиот просек — сега редот е на превенцијата и на грижата по болницата