Денес во возвратна посета на општина Делчево се официјални претставници на три општини од Италија со кои што Градоначалникот на општина Делчево започна соработка пред неколку месеци. Станува збор за реализација на поширока агенда за соработка на повеќе полиња со овие општини од Италија кои што имаат огромен интерес за соработка со општина Делчево.
Градоначалникот Гоцевски денеска прими двајца градоначалници од овие општини како и официјални претставници од третата општина кои што се во повеќедневна посета на Делчево во чии што рамки имаат интензивна работна агенда и набиен распоред на активности.
“Денес во мојот кабинет имав особена чест и задоволство да ги пречекам Марко Паларо, градоначалник на Општина Новело, Марко Андријано, градоначалник на Родино, како и делегацијата од Монфорте, предводена од Лука Роси.
Посебно ми е драго што нашите пријатели од Италија се денес со нас, токму во деновите кога Делчево живее во духот на Голачките Фолклорни средби.
За мене, овие средби се многу повеќе од неколку денови исполнети со музика, фолклор и традиција. Тие се можност луѓето да се сретнат, да споделат дел од својата култура и да создадат искрени пријателства.
Голема чест ми е што денес можев лично да ги пречекам нашите пријатели од Италија и да им посакам добредојде во Делчево, град кој отсекогаш знаел да ги отвори своите врати и срце за гостите.
Верувам дека ваквите средби се темел за уште посилна соработка и за нови заеднички приказни што допрва ќе ги создаваме.
Добредојдовте во Делчево, драги пријатели.
Овде сте меѓу свои! 
Нека продолжи пријателството што нè поврзува!”
-напиша на социјалните мрежи Градоначалникот на општина Делчево Иван Гоцевски во врска со овие тековни активности.
Креирано од:
СЛИЧНИ ОБЈАВИ
Стручна работилница на тема „Дигитални решенија за одржливо земјоделско производство“
ВИНИЦА РЕЦИКЛИРА – 169.350 ПЛАСТИЧНИ ШИШИЊА ЗА ТРИ МЕСЕЦИ!
Уште една голема инвестиција на владата во здравството за делчевчани: Две нови возила за ЈЗУ Здравствен дом ,,Гоце Делчев ” во Делчево