Градоначалникот на општина Виница во текот на вчерашниот ден беше во посета на просториите на Дневниот центар за лица со интелектуална и телесна попреченост во Виница каде што завршија сите предвидени работи за уредувањето самите простории и сензорна соба која што има намена за социјализација и интеграција во образовниот систем и во општеството на лицата-штитеници на центарот.
“Дневниот центар е од големо значење за општина Виница затоа што тој помага во исполнувањето на одредбите од Конвенцијата за правата на лицата со попреченост, како ранлива категорија на граѓани.
Иако дневниот центар за лица со интелектуална и телесна попреченост работи во рамките на Службата за услуги од социјална заштита при Јавната установа центарот за социјална работа – Виница, општината работи на сеопфатно и инклузивно општество, секако ги помага и најранливите категории на граѓани.
Во таа насока е и изградбата на сензорната соба со која на корисниците во центарот, но и на лица од надвор ќе им се овозможи подобра социјализација и интеграција во образовниот систем и во општеството.
Ова беше и повод за посетата на Дневниот центар од заменик Министерот на Министерството за труд и социјална политика, Енвер Хусејин каде на лице место се увери дека сите активностите се завршени, просторот е целосно реконструиран и опремен.
Имено, од oпштина Виница е подготвена апликацијата (Барањето) по јавниот оглас за финасирање на проекти за изградба, проширување, реконструкција и адаптација на капацитетите за дневно згрижување и капацитетите за давање на социјална услуга, за средства од Буџетот на МТСП.
Во рамките на проектот беше предвидено уредување на просторот во дневниот центар (како обврска на општината) и опремување на сензорна соба (опрема обезбедена од страна на МТСП).”
-соопшти градоначалникот Миле Петков во јавноста.
Креирано од:
СЛИЧНИ ОБЈАВИ
Објава за изгубен Родовник
Ристески: Минималната плата мора да се зголемува системски, одржливо и во рамки на економските реалности
Прв заменик-претседател Беким Сали се сретна со европратеникот Матеј Тонин во Брисел