Екипи на фирмата изведувач забрзано работи на изведбата на градежните работи за асфалтирање на улицата “Церска” во Македонска Каменица по барање на инвеститорот. Станува збор за асфалтирање на делница во вкупна должина од 2.5 километри со што ќе се заокружи една поголема функционална сообраќајна целина во интерес на подобрување на сообраќајните услови за граѓаните кои гравитураат во овој дел од општината..
Градоначалникот на општина Македонска Каменица Димче Атанасовски денеска во јавноста соопшти дека неговите настојувања се целата делница да биде завршена пред одржувањето на предвидените настани во манастирско-туристичкиот комплекс “Еленец” за кога се очекува да има поголема сообраќајна фреквенција по овој сообраќаен правец.
“Со асфалтирање на крак започна асфалтирањето на улица Церска во Македонска Каменица. Асфалтирањето ќе продолжи во текот на утрешниот ден и целата делница која е во вкупна должина од околу 2,5 км ќе биде завршена во најкраток можен рок.
Општина Македонска Каменица инсистираше и улицата ќе биде асфалтирана пред веќе потврдените настани кои ќе се одржат на Манастирско-туристичкиот комплекс “Еленец”, со цел да се овозможи непречено одвивање на сообраќајот.
Продолжуваме посветено, чесно и одговорно во создавањето нова иднина за нашите граѓани.”
-соопшти Димче Атанасовски- Градоначалник на општина Македонска Каменица во јавноста.
Креирано од:
СЛИЧНИ ОБЈАВИ
Отстранет отпадот во близина на Фабриката за вода во Кочани
Градоначалникот Владко Грозданов се сретна со жители од улицата „Константин Апостолов“
Кривична пријава против поранешна директорка на Јавната Здравствена Установа “Гоце Делчев” Делчево