Во среда на 19 декември во Младинскиот културен центар во Скопје ќе се одржи слушачка промоција на новото ЕР на еден од најавангардните и најпродуктивните бендови на денешната македонска и балканска андерграунд сцена, Бернајс пропаганда.
Настанот кој воедно ќе биде и своевидна прес конференција на бендот е закажан за 12 часот напладне.
“Ништо нема да не раздели” е името на ова ново ЕР издание на бендот кое официјално ќе излезе на 12 декември (една недела пред оваа негова промоција). Издавачите за кои излегува ова издание се повеќе: Moonlee records, geeger records, Pop depression, и Балкан велики.
Трите песни на изданието се снимени во Студио 1060, со нова проширена постава на бендот во кој покрај добро познатите првотимци, вокалот Кристина Горовска, Васко Атанасовски и Дени Крстев се присутни и Раде Јордановски и Кристијан Лафазановски заедно со гостите Тони Китановски и Мајк Ват (Mike Watt).
Како што соопштуваат од менаџментот на бендот ова ЕР издание е најава на нивниот нов албум кој е со работен наслов “Втора младост, трета светска војна”.
За сите оние за кои личната апокалипса се уште не започнала еве убава можност тоа да биде нивна реалност низ овој нов албум (трета светска) да ги осетат на своја кожа ефектите на ова наше отровно секојдневие.
А за сите демилитаризирани фаци кои поминале низ кредото за прочистување на личноста низ звуците на бендот, очекуваме новиот албум да го етаблира тој култен статус на бендот за предводници на овие пост-загубени генерации низ виорот на дехуманизираноста и отуѓеноста на денешното општество во кое преживуваме.
Креирано од:
СЛИЧНИ ОБЈАВИ
Најава за музички спектакл: Бојана подготвена за дружба со тетовската публика на настан кој долго се очекуваше
ВО МАГИЧЕН АМБИЕНТ ВИКЕНДОВ СЕ ОДРЖА „ПОТОЧИЊА 2026“
Бојана Скендеровски со концерт во Штип: Огнен Здравковски и Коки Јанков специјални гости