Градоначалникот на Општина Кочани Владко Грозданов оствари работна средба со претседателот на Комисијата на Агенцијата за електронски комуникации Орце Симов. На средбата се разговараше за можностите за унапредување на дигиталната трансформација во локалната самоуправа, зајакнување на сајбер-безбедноста, како и за реализирани и потенцијални донации во Кочани.
Посебен акцент беше ставен на дигитализацијата на административните процеси, подобрување на електронските услуги за граѓаните и зголемување на безбедноста на информациските системи, со цел поефикасна, потранспарентна и посигурна локална самоуправа.
Градоначалникот Грозданов ја истакна важноста од соработката со Агенцијата за електронски комуникации како клучен партнер во процесите на дигитален развој. Соговорниците се согласија дека континуираната институционална соработка е клучна за успешно справување со предизвиците во областа на дигитализацијата и сајбер-безбедноста на локално ниво.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево