Министерот за култура и туризам во Македонската Влада Зоран Љутков денеска оствари средба со режисерот Георги Унковски на последниот Македонски долгометражен филм “Диџеј Ахмед” кој што неодамна се закити со престижно меѓународно признание од областа на филмската уметност.
“По светската премиера на реномираниот филмски фестивал „Санденс“, каде ја освои специјалната награда на жирито за креативна визија, но и наградата од публиката, македонскиот филм “Диџеј Ахмет” на Георги Унковски добива исклучително внимание од љубителите на седмата уметност.
Филмот веќе е продаден во многу земји, вклучувајќи ја Канада, Австралија, Нов Зеланд, Шпанија, Португалија и многу други. Унковски ме информираше дека во тек се преговори за прикажување и во други земји ширум светот.
“Диџеј Ахмет” е драма за 15-годишно момче од јуручко село во Источна Македонија кое наоѓа утеха во музиката и сонува да стане диџеј, а од друга страна растргнат помеѓу очекувањата на татко му и конзервативната заедница.
Станува збор за копродукција помеѓу „Синема футура“, „Сектор филм“, „Алтер вижн“, „Аналог вижн“, „Бекрум продукција“ и „Баш Челик“, а е поддржан од нашата Агенција за филм.
Честитки за целата екипа!”
-напиша на социјалните мрежи Министерот Љутков во врска со оваа средба.

СЛИЧНИ ОБЈАВИ
Лишена од слобода 24 годишна жителка на Крива Паланка затоа што го нападнала својот сопруг со остар предмет
Голем успех за Македонија на светскиот избор Miss & Mister Planet 2026 во Грузија
Николоски: Преку 100 милиони денари инвестиции во инфраструктурата во Валандово. Ќе се реконструира и регионалниот пат Струмица -Валандово