Брегалнички Портал

Вести од Багалничкиот регион.

Владата на ДУИ со премиер од СДСМ експресно одби изградба на пат Кочани- Делчево преку Калиманско поле

Пренеси го гласот

На собраниската расправа пратеникот на ВМРО-ДПМНЕ Драган Ковачки од името на пратеничката група на опозициската партија побара финансирање на проект за изградба на современ пат од Кочани до Македонска Каменица и Делчево преку винички Превалец, Калиманско поле, Бигла и Очипала па се до бугарска граница кај месноста Црна Скала.

Ваквиот проект ќе значи побрз и побезбеден проток на патници и материјални добра со што економски ќе заживее и овој најнеразвиен дел од регионот и државата.

Но власта на СДСМ и ДУИ како и во претходните години експресно го одби овој амандман предложен на комисиската расправа во собранието.

Притоа Драган Ковачки најави дека од првиот ден кога ВМРО-ДПМНЕ ќе дојде на власт на наредните избори ќе се посвети на реализација на овој проект и овој патен правец да биде изграден за доброто на граѓаните од Делчево и Македонска Каменица но и целиот регион.

“Во мандат на ВМРО-ДПМНЕ се направи автопатот до Штип и се испроектира и исфинансира експресниот пат до Кочани којшто 6-та година СДС не може да го заврши и пушти во употреба.

Во најголемиот буџет во историјата на Македонија, предложивме да се продолжи со поврзувањето и на останатиот дел од истокот, односно да се испроектира пат од Виница (Превалец) преку Калиманско поле, Бигла, Очипала и понатаму во идна фаза да се спои на автопатот “Струма” во Бугарија.

Во проектирањето потребно е да се изнајде решение за поврзување и на Македонска Каменица.

На тој начин нема да останеме само со постоечките патни решенија, туку ќе го забрзаме и протокот на луѓе и капитал и кон соседна Бугарија. Со постоечкото патно решение граѓаните се изложени на несигурност поради честите одрони, а голем дел од граѓаните од крајниот исток побрзо стигнуваат до Софија отколку до Скопје.

Сите делови од државата мора да се развиваат подеднакво и да се поврзуваат инфраструктурно доколку сакаме инвестиции со кои ќе им се подобри животот на граѓаните.

Владата на ДУИ во која СДС има премиер и по неколку министри или заменици, овој предлог експресно го одби.

Идната Влада на ВМРО-ДПМНЕ ќе испроектира такво инфраструктурно решение и ќе ја подобри поврзаноста и со главниот град на Македонија и со соседна Бугарија, затоа што тоа е неопходност, а не е луксуз.”

-соопшти праатеникот Драган Ковачки од ВМРО-ДПМНЕ.

Креирано од:


Пренеси го гласот
WP2Social Auto Publish Powered By : XYZScripts.com