Актуелната власт продолжува со своето зацртано сценарио по секоја цена да обезбеди мнозинство во парламентот а со тоа и да си опезбеди подолго да остане на власт во државата.
Тесното мнозинство на пратеници што застанаа во поддршка на владата нма Зоран Заев од само 62 пратеници се чини е директна препрека на патот на Заев да продолжи со деструктивната политика која ја спроведуваше во изминатиот период. Како измама пред електоратот Заев најавуваше дека ќе му се придружат дополнителен број на пратеници кои ќе значеа стабилност на неговата влада. Но во реалност се чини дека се случува токму обратниот процес, т.е. пратеници од владеачкото мнозинство ќе го напуштат него и неговиот брод кој што тоне со забрзана сила. Ваквата можност неодамна ја најави Потпретседателот на ВМРО-ДПМНЕ Александар Николоски.
Дополнително неподготвеноста на Зоран Заев да комуницира со опозицијата за обезбедување на политики кои се од интерес на граѓаните додава уште еден елемент на елитизам и диктатурата на едноумието кое што владее во СДСМ и воопшто во власта во државата.
Од тие причини власта бара на секој начин можност за обезбедување на мнозинство во очи на најавената интерпелација на работата на Зоран Заев и неговата влада на истекот на 100 денови од старо-новиот мандат.
Денеска Потпретседателот на ВМРО-ДПМНЕ Александар Николоски му упати категорична порака на самиот Заев и ивласта дека опозициската партија нема да дозволи пратеници да не одат на работа на своето работно место а притоа да може да гласаат за поддршка на владата на Заев.
“Нема да дозволиме злоупотреби во Собранието. Со оваа постапка се покажува силата на опозицијата. Пратениците според Уставот мора да се присутни во Собранието. Ако можат сите други во државава да одат на работни места, можат и пратениците. И да сме на јасно – власта бара онлајн гласање затоа што нема мнозинство! Нема друга причина. Нема да дозволиме!”
-напиша на фејсбук Александар Николоски.
