И покрај декларативните заложби на највисоките претставници на власта дека ќе обезбедат поддршка за сите граѓани во услови на пандемија, сепак во суштина власта останува глува за потребите на земјоделците, естрадните уметници и фирмите кои имаат угостителска подружница.
На вчерашниот прв ден од расправата за ребалансот на буџетот од страна на парламентарното мнозинство беа одбиени амандманите кои ги поднесе опозициската ВМРО-ДПМНЕ со цел за поддршка на овие целни групи на Македонски граѓани кои имаат исти права како и оние кои што добија некаква помош претходно од државата.
Пратеничката Дафина Стојановска од ВМРО-ДПМНЕ преку социјалните мрежи упати своја реакција со која ги разобличува лицемерните политики на актуелната власт:
“Помина првиот ден од амандманската расправа по ребалансот на Буџетот за 2021 година. Од вкупно три амандмани на опозицијата, сите три беа одбиени, и од заменик-министерот, и од пратениците на мнозинството.
Се работеше за следново:
1. 300.000.000 денари за интервентен фонд во земјоделството;
2. 15.000.000 денари за фирми, чија основна дејност не е угостителска, но имаат подружница со таква дејност и би добиле по 15.000 денари од вработен – финансиска поддршка;
3. 20.000.000 денари за естрадни уметници.
Заклучок од првиот ден: За оваа власт не се битни земјоделците, естрадните уметници и останатите чесни работници во Македонија.
Наравоучение: Не ги слушајте што ви зборуваат, туку гледајте што прават.
-напиша Дафина Стојаноска на фејсбук.
Креирано од:
СЛИЧНИ ОБЈАВИ
Службени лица на МВР и МЗШВ од Струмица и Берово помагале во пустошење на шумите во Малешевијата
Божиновска: Рубинот инспирација за иднината – уметност и геологија се споија со цел ресурсите да ги претвораме во знаење, вредност и иднина
Николоски: Автопатот Прилеп-Битола се гради со силен интензитет. Пелагонија ќе добие модерен автопат по сите стандарди за нов економски развој и посилна иднина на регионот