Брегалнички Портал

Вести од Багалничкиот регион.

Во Кочани 30 студенти ги потпишаа договорите за користење општинска стипендија за студиската 2022/2023

Пренеси го гласот

30 студенти кои ќе ја користат општинската стипендија за учебната 2022/2023 година ги потпишаа договорите со Општина Кочани.

Според Комисијата за доделување на студентските стипендии, на конкурсот пристигнале 35 пријави. Од нив 17 студенти добиле стипендија за постигнат висок успех во студирањето, осуммина се од социјално загрозени семејства и петмина студенти се од медицински науки.

Петмина од пријавените кандидати не ги исполниле условите да добијат стипендија поради некомплетна документација, несоодветен просек или не се студенти на државните универзитети. Во категоријата стипендии за студенти од Ромската етничка заедница и студенти кои се лица со попреченост и лица со ретки болести немаше ниту една пријава.

Стипендиите со месечен износ од 3 илјади денари ќе се доделуваат за период од десет месеци за студиската 2022/23 година.

Градоначалникот на Општина Кочани, Љупчо Папазов им ги додели договорите на студентите и им посака многу успех во понатамошното студирање.

Креирано од:


Пренеси го гласот
WP2Social Auto Publish Powered By : XYZScripts.com