Наредната недела (09.12.2018 година) ВМРО-ДПМНЕ со протест во Кочани ќе се спротивстави на актуелната штетна политика на Зоран Заев што ја спроведува на сите нивоа во државата.
Протестот се организира поради економските црнила, против сиромаштијата, зголемените даноци и беспарицата кои му тежат на секој еден граѓанин, против економијата која стагнира и која губи здив.
Против политичките црнила, против неправдата и несигурноста, против црното политичко мочуриште каде прогонот станува закон, а законот мета за поткусурување.
Против општествените црнила, против загрозеното здравје на граѓаните и нефункционалниот здравствен систем и тивкиот убиец загадувањето кое наместо да се намалува, се мултиплицира.
Протестот ќе започне во 13.00 часот кај паркот на револуцијата (Дом на култура до Трговскиот центар)
На протестот ќе се обрати Претседателот на ВМРО-ДПМНЕ, Христијан Мицкоски.
Од партијата ги повикуваат сите граѓани на Кочани и околината на Кочани да се придружат на протестот со што граѓаните заедно ќе кажат НЕ на погубните политики на актуелната власт во државата.
