Заменик командирка во Полициската Станица во Делчево прикривала случај за што доби дисциплинска постапка

Одделот за внатрешна контрола, криминалистички истраги и професионални стандарди достави предлог за утврдување на дисциплинска одговорност за четири лица – полициски службеници од ПС за ОН Делчево при СВР Штип за заташкување на случај во кој што е инволвирано малолетно лице чија што мајка која била поранешна заменик командирка во Полициската Станица во Делчево дала лажна изјава. Лицата за кои е поведена дисциплинската се теретат дека направиле повеќе пропусти спротивно на Колективниот Договор на МВР.

Пренеси го гласот

Се уште чека разврска случајот кој од темел го потресе работењето на Полициската Станица во Делчево, за кој што информира Министерот за внатрешни работи Панче Тошковски.

Станува збор за случај во кој се инволвирани повеќе полициски службеници за нарушување на работата на полицијата во делчевското МВР, со што сериозно е нарушена довербата на граѓаните кон оваа полициска институција која треба да се грижи за спроведување на законите, наместо истите да ги крши.

“Одделот за внатрешна контрола, криминалистички истраги и професионални стандарди достави предлог за утврдување на дисциплинска одговорност за четири лица – полициски службеници од ПС за ОН Делчево при СВР Штип.

Имено, одделот постапуваше по доставена анонимна пријава за случена сообраќајна незгода во која како учесник се јавува малолетно лице, притоа учесникот во сообраќајната незгода и неговата мајка – поранешен заменик командир на ПС за ОН Делчево дале изјава дека повредата настанала при поместување на мотор, а не при случена сообраќајна незгода.

Од страна на полициските службеници од ПС за ОН Делчево при постапување за сообраќајната незгода направени се повеќе пропусти и притоа тие постапиле спротивно на Колективниот договор на МВР. Дежурниот полицаец Д.М. при примањето на пријавата од страна на доктор, не изготвил службена белешка за примена пријава и настанот не го евидентирал во Книгата за евиденции.

Полициските службеници И.Д и В.Г. по пријавениот настан за сообраќајната незгода не извршиле разговор со докторот за видот на повредите и не го документирал настанот со цел поднесување соодветен поднесок против учесникот во сообраќајната незгода. Додека, полицискиот службеник Л.А. издала наредба за полициските службеници, настанот да не се заведува во службената евиденција, бидејќи согласно нејзино наоѓање, не станувало збор за сообраќајна незгода.”

информираше Панче Тошковски- Министер за Внатрешни Работи преку социјалните мрежи.

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts