Денес, 20 април 2026 година, во кампот за обука „Пепелиште“, со свечена церемонија беше означен почетокот на националната теренска тактичка вежба „БЛЕСОК 26“, која ќе се реализира во период од 19 до 27 април 2026 година. Вежбата претставува значаен процес за сеопфатно оценување на борбената подготвеност на Лесната пешадиска баталјонска група, во согласност со стандардите за оценување на копнени команди и единци на Здружената команда за операции на НАТО.
На денешната церемонија за отворање на вежбата присуствуваа: командантот на Командата за обука и доктрини, бригаден генерал Љулзим Нуредини и командантот на Првата пешадиска бригада бригаден генерал Дејан Чиплаковски, како и претставници од Командата за операции.
Вежбата „БЛЕСОК 26“ претставува значаен исчекор во континуираниот развој на оперативните способности на Армијата, потврдувајќи ја нејзината подготвеност, професионалност и посветеност кон исполнување на највисоките национални и НАТО стандарди. Воедно, таа ја реафирмира улогата на Армијата како кредибилен и сигурен партнер во рамки на колективната безбедност на НАТО и придонесува кон зајакнување на довербата, интероперабилноста и заедничкото дејствување со сојузниците.
Креирано од:
Редакција 01
administrator
СЛИЧНИ ОБЈАВИ
Славјанка Петровска: Среќен роденден, моја СДСМ
Македонија со значителен напредок во Реформската агенда презентиран пред амбасадорите на ЕУ
Најава за настан: „Зеленикс – од предизвик до иновација”