ЗОО Паркот Бриони како единствена зоолошка градина во Источна Македонија секогаш го привлекува вниманието на најмалите, но исто така и на постарите, бидејќи служи како простор за прошетка и релаксација. ЗОО Паркот Бриони постојано се надоградува со нови видови на птици и животни, па така и денес овој парк доби нова свежина, која ќе биде голема атракција во градот.
Денес во ЗОО Паркот Бриони во Штип беше донирано мало мече од професорот Угриновски. Мечето ќе се вика Теди и веќе е прилагодено на новото живеалиште.
