БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

28 младински волонтери од 6 општини на едукативен камп во село Вирче, делчевско во организација на ОО Црвен Крст Делчево

HTML Image as link Имате потреба од нов веб сајт?
An image from Squarespace
Пренеси го гласот

Со волонтери-активисти од 6 општини во вкупен број од 28 млади луѓе во просториите и во дворот на подрачното општинско училиште “Св, Климент Охридски” во село Вирче, Општина Делчево се реализира тридневен младински камп за едукација на млади волонтери.

Општинската Организација на Црвениот Крст од Делчево заедно со Клубот на млади како организатори ја имаат честа да бидат домаќини на младите луѓе од општините кои зедоа учество во овој камп, под чиј менаџмент се реализираат сите активности.

Главен покровител на настанот е Градоначалникот на општина Делчево Иван Гоцевски а како спонзори во поддршка на активностите на младите и кампот се вклучија и повеќе приватни компании од Делечво.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Градоначалникот Гоцевски упати своја порака во јавноста во врска со овој настан со поддршка на вакви слични активности во иднина

“Оваа година Општинската организација на Црвениот крст – Делчево организира тридневен едукативен младински камп, кој со особено задоволство Општина Делчево го поддржува преку нашиот меморандум за соработка.

На кампот учествуваат 28 млади од повеќе градови низ Македонија – млади луѓе полни со енергија, идеи, знаење и желба за нови искуства и пријателства.

Како градоначалник, верувам дека поддршката за младите е инвестиција во иднината на нашата општина и нашата држава. Тие се нашата инспирација, нашата радост и нашата најголема надеж.

Затоа ќе продолжиме да ги поддржуваме младинските иницијативи, да создаваме можности за нивно учење, дружење и развој и да им покажуваме дека секоја нивна идеја и иницијатива имаат наше внимание и поддршка.

На сите учесници им посакувам прекрасни три дена исполнети со дружење, нови знаења, позитивна енергија и убави спомени.

Младите се нашата иднина, но и нашата најубава сегашност.”

-напиша на социјалните мрежи Градоначалникот Гоцевски во врска со тридневниот камп на младите од Црвениот Крст.

Креирано од:


Пренеси го гласот