Вчера на прес конференција пред службените простории на полицијата, Претседателот на УМС на ВМРО-ДПМНЕ, Јован Јаулески, ја информираше јавноста за задржување во полициската станица на неколку членови на подмладокот на опозициската партија.
Притоа порачаа дека младите нема да бидат уплашени од власта затоа што младите се предводник на промените кои следуваат.
Во продолжение интегрално ја пренесуваме интегрално прес конференцијата на Јован Јаулески:
Власта уште еднаш покажува во пракса дека во Република Македонија дека правната држава е суспендирана. Денеска власта на Заев и Спасовски без никакво образложение во полициската станица зад нас неколку членови на УМС на ВМРО-ДПМНЕ ги држеше 4 часа.
Власта е исплашена од граѓаните, а особено од младите и затоа спроведува политички прогон врз сите неистомисленици и слободомислечки граѓани.
Младите нема да ги исплашите. Младите се предводникот на промените кои следуваат.
Почитувани претставници од власта, ударот врз младите е удар врз државата. Не можете да ги оправдате вашите лоши политики со спроведување терор, прогон и сеење на страв.
Насилието мора да запре. Криминалот не смее да биде пракса.
Откако сте на власт имаме 9 неразјаснати убиства, запалени автомобили, секојдневни грабежи и безредие. Власта не ја остварува нејзината основна задача – чување на редот и мирот.
Тргнете ги рацете од младите. За целото незаконие кое го спроведувате ќе одговарате кога ќе се врати правната држава и демократијата во Република Македонија, со доаѓањето на ВМРО-ДПМНЕ на власт.
Креирано од:
СЛИЧНИ ОБЈАВИ
Обраќање на Премиерот Мицкоски на Советот на Германско-Македонската стопанска комора
Младите ја креираат зелената иднина – Божиновска ги додели признанијата на победниците на националниот натпревар за зелени иновации
Апасиев: Фрлете им ја медицината на кучињата, таа и онака веќе не е за сиромашните