Денеска на прес конференција од опозиционата ВМРО-ДПМНЕ ги обвинија локалните власти во Штип за лошите резултати во работењето во однос на комуналните услуги за кои е надлежно Јавното претпријатие ИСАР од Штип.
Во продолжение ја пренесуваме прес конференцијага на Советникот во штипскиот совет, Игор Ефтимов од редовите на ВМРО-ДПМНЕ.
Дека оваа локална власт е скарана со реалноста потврдува и кварталниот извештај за работењето на ЈП Исар. За тоа колку е големо неработењето на ова претпријатие говори состојбата на терен и секојдневното незадоволство на жителите на Општина Штип.
Не е потребен извештај за да се потврди неспособноста од раководењето на ЈП Исар, доволно е да се помине низ неколку улици и населби во градот за да се добие јасна слика за тоа во каква состојба се наоѓа Општина Штип. Неисфрлениот смет и смрдеата од отпад се присутни речиси во секоја населба. Прашината и неизметените улици ги имаме насекаде околу нас. Неискосената трева и исушените паркови низ населбите само ја потврдуваат дехидрираноста и безидејноста на оваа локална власт и ЈП Исар.
А кога во прашање е водоснабдувањето, секојдневно на социјалните мрежи и во медиумите се забележуваат поплаки од граѓани, па отворено се поставува прашањето дали и каква вода за пиење испорачува ЈП Исар на граѓаните на Општина Штип?
Дали се точни тврдењата дека во Штип се пие вода од резервоар затруен со памперс пелени?
И дали овој период штипјани имаат стомачен вирус, поради отровната вода која се дистрибуира во домаќинствата?
Почитувани сограѓани,
Старите велат „Фалбата е рѓа“. Залудни се сите епитети и фалења кои раководството на ЈП Исар ги става на свое конто, затоа што на сите веќе ни е јасно – не ги бидува!
Сликата која се обидуваат да ја прикажат во јавноста, нема да го покрие целото ѓубре на оваа локална власт, тоа ќе остане да сведочи за нестручноста и неработењето, се‘ до конечно заминување на ова неспособно раководство.
Чита: Игор Ефтимов
Креирано од:
СЛИЧНИ ОБЈАВИ
Стоп за досегашната фушерајска изградба на градежни работи во Делчево
Починат 47 годишен жител на с. Лаки, виничко донесен во Брзата помош во Виница
Драган Ковачки во присуство на членови на Патриотскиот институт на ВМРО-ДПМНЕ одаде почит пред спомен плочата кај месноста Свиланово, кочанско каде загинал Никола Карев