Олгица Андонова (Паковска) како млада пејачка од Кочани, во 1968 година го претставува родниот град на натпревар за најдобри пејачи аматери во Скопје. Таму ја пее песната „Cuore“ од Рита Павоне (https://www.youtube.com/watch?v=uNCxf…), за што добива награда Златен глас на Македонија. После тоа добива покана од Ѓоко Георгиев да снима за продукцијата на тогашното Радио Скопје, со што се создава и оваа песна во 1971 година. Подоцна настапува и на фестивал на Југословенската народна армија (ЈНА) во Белград, како и во тогаш многу популарната музичка емисија „Максиметар“ што се емитува на Југословенската радио телевизија (ЈРТ). Во 1973 година следуваше и снимка за Телевизија Скопје за емисијата „Есен на љубовта“ во која учествува и Андреј Сопронов.
Денес песната „Какви очи имаш ти“ се вбројува меѓу најдобрите евергрини на македонската забавна музика.
композитор: Петар Лукиќ
текст: Ѓоко Георгиев
аранжман: Славе Димитров
„Какви очи имаш ти“ – Олгица Андонова
“Не знам што ми зборуваш, не знам кој е покрај нас, јас само во нив сум загледана, ме разбираат, за тајни мои знаат. Очи што проштеваат, што го следат мојот пат, и болки што ми развејуваат, тие очи твои, две сјајни ѕвезди мои. Какви очи имаш ти, никаде поубави, какво небо, каков здив, јас ги гледам само нив. Какви очи имаш ти, како сини длабини, ко две песни невини, како први мои сни. Очи што проштеваат, што го следат мојот пат, и болки што ми развејуваат, тие очи твои, две сјајни ѕвезди мои. Какви очи имаш ти, никаде поубави, какво небо, каков здив, јас ги гледам само нив. Какви очи имаш ти, како сини длабини, ко две песни невини, како први мои сни. Какви очи имаш ти, никаде поубави, какво небо, каков здив, јас ги гледам само нив. Какви очи имаш ти…”
Извор: Staro Kocani
Креирано од:
СЛИЧНИ ОБЈАВИ
Пронајдена марихуана кај 17 годишник од Штип по што лицето било приведено
67 годишен жител на Кочани лишен од слобода по претходна пријава од сопругата за упатување закани
43 годишна жена од Берово физички нападната од нејзиниот сопруг