Согласно програмските определби на градоначалникот на општина Виница за што е можно поголема транспарентност и партиципативност на граѓаните во трошењето на јавните буџетски пари, општината упати јавен повик за доставување на предлог програма за работење на граѓанските организации со цел да бидат вметнати во буџетот на општината за наредната 2023 година.
На ваков начин општината предводена од градоначалникот Миле Петков ќе обезбеди транспарентност за трошењето на буџетските пари наменети за развој на цивилното општество а од друга страна ќе има зголемена инклузивност на граѓанските здруженија во следењето на трошењето на парите на сите граѓани.
“Почитувани сограѓани,
Општина Виница е во фаза на изработка на Буџетот за 2023 година. По тој повод ги повикуваме сите здруженија на граѓани, невладини организации и други заинтересирани лица чиешто работење може да биде подржано од општината, да достават своја програма за работата за 2023 година со финансиска конструкција за истата.
Програмата се доставува до архивата на Општина Виница, ул. Бел Камен 13, НАЈДОЦНА до 21.11.2022 година.”
-стои во повикот упатен од градоначалникот Миле Петков во јавноста.
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово