Новата година продолжува со интензивно темпо да биде особено позитивна за развојот на националните сообраќајни линии и врски.
Премиерот Мицкоски преку видео презентација најави пуштање во употреба на уште еден крупен сообраќаен инфраструктурен проект кој што е од национално значење.
Станува збор за реконструираната железничка линија меќу Куманови и Бељаковце во должина од 30.8 километри со реконструкција на повеќе инжинерски објекти долж оваа делница.
Утре 17.01.2025 година (петок) со почеток во 12:30 часот по повод завршување на градежните работи на делницата Куманово – Бељаковце (Коридор 8 Источна делница) претседателот на Владата на Република Македонија, Христијан Мицкоски ќе присуствува и ќе ја пушти во употреба железничката пруга Куманово – Бељаковце.
Пругата Куманово – Бељаковце е со должина од 30.8 километри и на неа се изградени 3 нови железнички станици (Ново Куманово, реконструирана постоечката железничка станица Куманово, 6 стојалишта, 5 мостови, 1 тунел, пропусти со различен дијаметар, заштита на наклони, одводни канали, пристапни патишта, звучни бариери, потпорни ѕидови, горен строј и сигнализација и телекомуникација.
На железничките станици и стојалишта е инсталирана сигнално -телекомуникациска опрема во вредност од 10.000.000 евра, алуминиумски седишта, челични настрешници, дисплеи, лед осветлување.
Свој говор пред присутните ќе одржи премиерот Мицкоски.

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар