Градежна механизација на Јавното Претпријатие за државни патишта започна со рехабилитација на меѓународниот пат А3 на делница од Делчево до граница со Бугарија. Веќе на терен се потребните градежни машини кои што ќе обезбедат подобри сообраќајни услови за проток на сообраќај во овој дел од државата, како и за самите граѓани на Делчево.
Станува збор за рехабилитација на делница во должина од 5.3 км каде што ќе се изврши гребење на оштетениот и неупотреблив асфалт и вградување на нов носечки асфалтен слој на коловозот на патот.
Проектот се реализира во рамки на годишната програма на ЈПДП за изградба, реконструкција, одржување и заштита на државните патишта на Република Македонија за 2025 година, со финансиски средства обезбедени од домашни извори на финансирање.
Оваа сообраќајна артерија е од најголемо значење за реализација на брз и квалитетен проток на сообраќај низ овој дел од Македонија со што значително ќе се подобри безбедноста за патување.
Реализацијата на овој проект оди заедно со проектот за целосна реконструкција и проширување на регионалниот пат кој што ги поврзува населбата Милково Брдо во градот Делчево и селото Габрово
Креирано од:
СЛИЧНИ ОБЈАВИ
Стручна работилница на тема „Дигитални решенија за одржливо земјоделско производство“
ВИНИЦА РЕЦИКЛИРА – 169.350 ПЛАСТИЧНИ ШИШИЊА ЗА ТРИ МЕСЕЦИ!
Уште една голема инвестиција на владата во здравството за делчевчани: Две нови возила за ЈЗУ Здравствен дом ,,Гоце Делчев ” во Делчево