Утре среда 24.09.2025 година со почеток во 20.00 часот во Делчево ќе се одржи работна трибина на која што ќе се дискутира за реформите во образованието кои што ги спроведува и ги планира Министерството за образование и наука на Владата на Република Македонија.
На трибината звое обраќање ќе има Министерката за образование и наука Весна Јаневска која што ќе ги запознае присутните за тековните процеси со кои што ќе се подобри образовниот процес а воедно ќе ги слушне идеите и аргиументите на присутните граѓани, наставници и професори кои што ќе бидат дел од овој настан.
Од ВМРО-ДПМНЕ ОК Делчево во врска со овој настан упатија свое соопштение во јавноста чиј што текст интегрално го пренесуваме во продолжение:
“Со особена чест и задоволство Ве покануваме да присуствувате на настан од особено значење за образовната заедница, на кој свое обраќање ќе има Министерката за образование и наука на Република Македонија, г-ѓа Весна Јаневска.
Настанот има за цел да отвори отворен и искрен дијалог меѓу институциите и наставниот кадар, каде ќе се споделат идеи, предлози, визии и перспективи за иднината на образованието во нашата општина. Министерката ќе се осврне на стратешките насоки и планираните реформи, но и ќе одговори на клучните прашања кои Ве засегаат како професионалци и лидери во вашите училници.
Настанот ќе се одржи на:
Датум – 24.09.2025 година (среда)
Време – 20:00 часот
Локација – Ресторан Панорама (конферентна сала)
Зошто Вашето присуство е важно?
Затоа што токму Вие секојдневно го живеете образованието – не како концепт, туку како мисија.
Затоа што Вашиот глас треба да биде чуен таму каде што се носат одлуките.
Затоа што секој конструктивен разговор со Вас е чекор поблиску до подобро, поправедно и поквалитетно образование.
Затоа што промените се возможни – но само ако ги правиме заедно.
Со длабока почит и благодарност за Вашиот придонес.
Се гледаме.”
-стои во соопштението упатено до јавноста од ВМРО-ДПМНЕ ОК Делчево.

СЛИЧНИ ОБЈАВИ
Претстои реконструкција на игралиштата во ООУ „Св. Кирил и Методиј“
Полскиот амбасадор во посета на Општа болница Кочани
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип