Енергетската ефикасност беше во фокусот на средбата која што денеска ја оствари министерката за енергетика, рударство и минерални суровини, Сања Божиновска со делегација на ЕБОР во земјава. На средбата присуствуваа претставникот на ЕБОР во Северна Македонија, Фатих Туркменоглу и директорката на Одделот на ЕБОР за инфраструктура во Европа, Елена Гордеева.
Главниот акцент на средбата беше ставен на реализацијата на енергетската ефикасност кај јавни објекти во државава, што ќе придонесе кон стабилен и одржлив енергетски систем.
Министерката за енергетика, рударство и минерални суровини, Божиновска, на средбата ја истакна посветеноста на Министерството во однос на поскора реализација на обврските според коишто, секоја година е предвидено да се реконструираат најмалку 3% од вкупната корисна подна површина на јавните згради, при што мерките за енергетска ефикасност се задолжителен и нераздвоен дел од секоја реконструкција.
Министерството за енергетика, рударство и минерални суровини, како што нагласи министерката Божиновска, како носител на оваа стратешка реформа, интензивно работи на обезбедување финансиски средства за реализација на обврските што произлегуваат од Реформската агенда.
Реализацијата на енергетската ефикасност претставува крупен исчекор кон намалување на потрошувачката на енергија, подобри услови во институциите и значително намалување на емисиите на штетни гасови– со директни придобивки за граѓаните и државата.
Креирано од:
СЛИЧНИ ОБЈАВИ
Божиновска со низа билатерални средби и пораки за забрзана транзиција на UNECE Resource Management Week
Шеикот Венко од Емиратите: Сепак претседателот на СДСМ има златна виза како менаџер и инвеститор во Обединетите Арапски Емирати
Божиновска од UNECE Resource Management Week 2026: Одлучни политики, силни инвестиции и меѓународна соработка за одржлива енергетска иднина