По повод 31 март – Денот на македонското правосудство, министерот за правда Игор Филков упати честитка до сите носители на правосудните функции и до сите вработени во правосудниот систем.
,,Овој ден е потсетник дека правдата не е само принцип, туку обврска – кон граѓаните, кон државата и кон иднината. Вие, како судии, јавни обвинители, адвокати, нотари и извршители, ја носите таа одговорност секој ден, со вашата работа и со вашите одлуки.
Силно и независно правосудство е основа на секое демократско општество. Затоа, мораме заеднички да продолжиме да градиме систем кој ќе биде отпорен на влијанија, ефикасен во постапките и доследен во примената на законот.
Како министер за правда, останувам целосно посветен на реформите што значат вистински промени – подобри закони, поголема транспарентност, дигитализација и јакнење на интегритетот во системот. Ова не се само процеси, туку чекори кон враќање и зацврстување на довербата.
Правдата не смее да биде бавна, ниту селективна. Таа мора да биде сигурна, доследна и еднаква за сите.
Честит Ден на македонското правосудство. Одговорноста е заедничка – резултатите мора да бидат видливи.”,порача министерот за правда Игор Филков.
Извор: Влада.мк
Креирано од:
СЛИЧНИ ОБЈАВИ
Напредува процесот за новиот експресен пат Кочани- Делчево согласно предвидената динамика: Презентација на техничкото решение во Делчево
Градоначалникот на Делчево Гоцевски оствари средба со активисти на невладината организација “Жена” од Делчево
Тошковски на промоцијата на Националната стратегија: Значително намален бројот на жртви во сообраќајот, Македонија во конкуренција за светско признание за сообраќајна безбедност на светскиот полициски самит во Дубаи