Љубителите на класичната музика ќе имаат можност да уживаат во концерт на реномираната пијанистка Даница Стојанова, кој ќе се одржи в среда, 24 јуни 2026 година, во салата на МКЦ, со почеток во 19 часот.
Даница Стојанова е професорка по пијано и камерна музика во ДМБУЦ „Илија Николовски-Луј“ и е препознатлива како долгогодишен поддржувач и промотор на младите македонски музички уметници.
Во својата богата концертна кариера настапувала како солистка со Македонската филхармонија и со Видинската филхармонија во Бугарија, а реализирала и бројни солистички рецитали во повеќе земји во Европа, Азија и САД, меѓу кои Бугарија, Украина, Турција, Малезија, Германија, Холандија, Франција, Италија, Косово, Србија, САД, Узбекистан и Чешка.
Публиката ќе има можност да проследи внимателно избрана програма со дела од композиторите Томислав Зографски, Јана Андреевска, Благој Цанев, Николај Метнер и Енрике Гранадос.
Концертот се реализира со поддршка од Министерството за култура, Општина Кочани и ОМУ „Ристо Јуруков“.
Креирано од:
СЛИЧНИ ОБЈАВИ
Манифестацијата “Пијанечки денови на сливата 2026“, познатата „Сливијада“ утре во село Град доживува нова енергија за развој
Учениците на СОУ „Миле Јаневски Џингар“ Македонска Каменица го посетија Спомен домот на Разловечкото востание во село Разловци
Ј А В Е Н П О В И К до евидентирани невработени лица за вклучување во Програмата Општинско – корисна работа