Со сопствена организација пензионерите од Делчево, Берово, Пехчево, Македонска Каменица како и останати градови од истокот на државата се мобилизираат за да учествуваат на Генералниот штрајк пред Владата во Скопје кој ќе се одржи во среда 20.09.2023 година.
Пензионерите од Делчево како и останатите пензионери низ државата дотерани до питачки стап со актуелните политики на Владата на Димитар Ковачевски.
За таа цел пензионерите од цела Македонија во среда на 20 септември со почеток во 11 часот претпладне пред зградата на Владата ќе го искажат свјот револт против понижувачките политики на актуелната власт кон пензионерите.
Тргнувањето од Делчево е во 08.00 часот од паркингот пред Спомен домот АСНОМ во центарот на градот. За секој пензионер кој што може и сака да го искаже својот револт против нискиот стандард на протестот во Скопје има обезбеден бесплатен слободен превоз од страна на Иницијативниот одбор за организирање на протестот.
Во повеќе наврати со недели наназад делчевските пензионери заедно со пензионерите од другите градови од истокот на државата протестираа во своите места на живеење, но глувоста на надлежните органи за проблемите на пензионерите ги натера оваа огромна група на граѓани на ваков радикален чекор на генерален штрајк во Скопје пред Владата.
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово